नेपाल कानून पत्रिका (ने.का.प.) · निर्णय नं. 6686 · वि.सं. २०५६
नि.नं. 6686 — वाली दिलाई मिही निष्कासन ।
सिद्धान्त / नजिर सार (Headnote Summary)
§ भूमि सम्बन्धी ऐन, २०२१ को परिच्छिेद ७ को मोहियानी हक सम्बन्धी व्यवस्था अन्तर्गत दफा २९ मा मोहियानी हक समाप्त सम्बन्धी व्यवस्था रहेको छ । दफा २९ को उपदफा (१) मा मोहीले कुत वुझाएन भन्ने कुराको जग्गावालाले उजूरी दिएमा तोकिएको अधिकारीले मोहीलाई निष्कासन गर्न आदेश दिन सक्ने भनी गरिएको व्यवस्था अन्तर्गतको दावीमा मोहीको मोहियानी हकको समात्त हुने नहुने कुराको निरुपण हुने हो । कानून बमोजिम कुत बुझाए नबुझाएको आधार प्रमाण विवादको निरोपणका लागि आवश्यक हुने भएकाले कुतको कुरा पनि उल्लेख हुने र दफा २९ को उपदफा (१) बमोजिम निस्काशन हुने आदेश हुँदाका अवस्थामा कुत समेत भराई दिन सक्ने तोकिएको अधिकारीलाई तजविजी अधिकारको रुपमा दफा २९ को उपदफा (३) मा रहेको देखिन्छ । कुत वाली भराई पाउँ भनी स्वतन्त्र रुपमा दावी लिई उजुरी दिने व्यवस्था दफा २९(३) ले गरेको देखिदैन । शुद्ध कुतवाली भराई पाउँ भन्ने दावी भएको भु.सं. ऐन, २०२१ को दफा ३६(क) अन्तर्गतको मुद्दा दफा ६३ ले पनि संम्वन्धित जिल्ला अदालतले हेरी कारवाही किनारा गर्ने अवस्था हुन्छ । भूमि सुधार अधिकारीले हेर्ने गरी कानूनले तोकेको छैन । र त्यस्ता मुद्दा मोहियानी हक सम्वन्धी व्यवस्था अन्तर्गत नपरी कुत सम्बन्धित व्यवस्था अन्तर्गत रहेको छ । (प्र.नं.११) § भूमि सम्बन्धी ऐन, २०२१ तथा यस अन्तर्गत बनेका नियमहरु अन्तर्गत कुनै अदालत वा अधिकारी छेउ पर्न आउने, मोहियानी हक ऋण निश्चित गर्ने सम्बन्धी मुद्दा वा उजूरीमा कोर्ट फि नलिई कारवाही किनारा,गरिने भनी ऐ. ऐनको दफा ५७(क) मा रहेको देखिन्छ । यसबाट मोहियानी हक समाप्ती सम्बन्धी ऐनको दफा २९(१) को उजुरीमा कोर्ट फि लाग्ने अवस्था नरहेको र दफा २९(१) को अवस्थामा उपदफा (३) ले कुत बाली समेत भराउन सक्ने तजबीजि अधिकार तोकिएको अधिकारीलाई भएको व्यवस्थालाई छुट्टै शुरु उजुरी दावीको रुपमा ग्रहण गरी कोर्ट फि लाग्ने भन्ने सकिने अवस्था नदेखिने । (प्र.नं. १२)
फैसलाको आधिकारिक विवरण
| निर्णय नं. | 6686 |
|---|---|
| मुद्दाको विषय | वाली दिलाई मिही निष्कासन । |
| निर्णय वर्ष / मिति | 2055/07/12 |
| अदालत / इजलास | पूर्ण इजलास |
| न्यायाधीश | माननीय न्यायाधीश श्री कृष्णजंग रायमाझी | माननीय न्यायाधीश श्री गोविन्दवहादुर श्रेष्ठ | माननीय न्यायाधीश श्री हरिश्चन्द्रप्रसाद उपाध्याय |
| उद्धरण सन्दर्भ | ने.का.प. २०५६, नि.नं. 6686 |

यस नजिरको पूर्ण फैसला पाठ, उद्धृत ऐन दफा र मिल्दोजुल्दो अन्य ने.का.प. नजिरहरू Hello Wokil मा तुरुन्त पढ्नुहोस्।
