नेपाल कानून पत्रिका (ने.का.प.) · निर्णय नं. 11267 · वि.सं. २०८१
नि.नं. 11267 — मिलेमतोमा अनियमित रूपमा काठ कटान गरी भ्रष्टाचार गरेको
सिद्धान्त / नजिर सार (Headnote Summary)
एक पटक उपभोक्ता समूहलाई कुनै वन क्षेत्र हस्तान्तरण गरेपछि पनि उपभोक्ताले अन्य क्षेत्रफल थप गरिदिन माग गरेमा कानूनी प्रक्रिया पूरा गरी थप गरिदिन सकिने । यसरी हस्तान्तरित वन क्षेत्रमा रहेका ढलेपडेका रूखहरूको उचित व्यवस्थापनसमेत सामुदायिक वन उपभोक्ता समूहले गर्नुपर्ने । चोरी नोक्सानी हुन सक्ने अवस्थाबाट जोगाउनलगायत कतिपय व्यावहारिक आवश्यकता र औचित्यका आधारमा वन ऐन, २०४९ को दफा २६ बमोजिम वनक्षेत्र थप गरी कार्ययोजना नवीकरण गर्न मिल्ने । सामुदायिक वन उपभोक्ता समूहलाई विवादित काठ कटान भएको वन क्षेत्र हस्तान्तरण गरिएको काम कुरालाई कानून प्रतिकूल कार्य भनी मान्न नमिल्ने । (प्रकरण नं ।५) हावा-हुरीले ढलेका केही रूखहरूको व्यवस्थापन गर्नुपर्ने अवस्था रहेको र अनुमानित परिमाणमा कटानपछिको वास्तविक परिमाणमा केही सामान्य अन्तर देखिनु सामान्य विषय देखिएको समेत हुँदा काठको स्वीकृत परिमाण र कटानपछिको परिमाणमा देखा परेको सामान्य फरकलाई लिएर नै भ्रष्टाचारको कसुर ठहर गर्नु मनासिब नदेखिने । (प्रकरण नं ।६)
फैसलाको आधिकारिक विवरण
| निर्णय नं. | 11267 |
|---|---|
| मुद्दाको विषय | मिलेमतोमा अनियमित रूपमा काठ कटान गरी भ्रष्टाचार गरेको |
| निर्णय वर्ष / मिति | 2079/09/19 |
| अदालत / इजलास | संयुक्त इजलास |
| न्यायाधीश | माननीय न्यायाधीश श्री ईश्वरप्रसाद खतिवडा | माननीय न्यायाधीश श्री सुष्मालता माथेमा |
| उद्धरण सन्दर्भ | ने.का.प. २०८१, नि.नं. 11267 |

यस नजिरको पूर्ण फैसला पाठ, उद्धृत ऐन दफा र मिल्दोजुल्दो अन्य ने.का.प. नजिरहरू Hello Wokil मा तुरुन्त पढ्नुहोस्।
